Ikipe ya Chelsea iraza gukina n’ikipe ya Real Betis yo muri Esipanye aho baza gukinira kuri stade yitwa Stadio de Wrocław, muri Polonye, saa tatu z’ijoro ku isaha yo mu Rwanda.
Ikipe ya Chelsea ikaba iza gukina umukino wa nyuma w’igikombe gikinirwa ku mugabane w’iburayi. Umukino wa nyuma baherukaga kugeraho wari uwa UEFA champions league mu mwaka wa 2019, ubwo banatwaraga igikombe batsinze Ikipe ya Manchester City.
Chelsea iramutse yegukanye iki gikombe yaba ikipe ya mbere mu mateka ku mugabane w’ u Burayi yegukanye ibikombe bine bitegurwa n’impuzamashyirahamwe y’umupira w’amaguru i Burayi UEFA, muri ayo marushanwa harimo; Champions League, Europa League, Super Cup, na Conference League.
Iki gikombe nicyo Chelsea irambirijeho dore ko ibindi byose yakiniye muri uyu mwaka w’imikino wa 2024-2025 byamaze kubona ba nyira byo. Mu gihe Real Betis yo baza gukina yatashye amara masa muri uyu mwaka, ibyo bikaba gutuma umukino uryoha kurushaho.
