Ku wa 5 Kamena 2025, Minisiteri y’Ubuzima y’u Buhinde yatangaje ko abantu 564 banduye COVID-19 mu masaha 24 ashize, mu gihe abandi 7 bahitanywe n’iyo ndwara, bituma umubare w’abanduye bose ugera ku 4,866.
Abo bapfuye barimo abana n’abakuze bari basanzwe bafite uburwayi bukomeye, aho abapfuye babonetse i Delhi, Karnataka na Maharashtra. Benshi muri bo bari bafite indwara z’umutima, impyiko, ndetse z’ubuhumekero.Muri icyo gihe, abantu 674 bavuwe barakira.
Mu rwego rwo gukaza ingamba, guverinoma yateguye uburyo bwo kwirinda icyo cyorezo.Inzego zirimo ICMR, NCDC, IDSP n’ibitaro bya Leta byaganiriye ku buryo bwo gukomeza guhangana n’icyorezo.
Abayobozi b’ubuzima barasaba abaturage gukomeza kuba maso no gukurikiza amabwiriza yo kwirinda, bitewe n’izamuka ndetse n’ikwirakwizwa ry’iki cyorezo.