U Rwanda rugabana imbibi n’ibihugu bine ari byo: Uganda, Tanzania, Burundi na Repubulika Iharanira Demokarasi ya Congo (RDC).Mu majyaruguru, ruhana imbibi na Uganda biciye kuri Gatuna na Kyanika. Aha hantu hakoreshwa cyane n’abagenzi n’amakamyo atwara ibicuruzwa.Mu burasirazuba, Tanzania igerwaho binyuze ku mipaka ya Rusumo (mu Kirehe) na Kagitumba (mu Nyagatare).Mu majyepfo, u Rwanda ruhana imbibi na Burundi hifashishijwe Nemba (mu Bugesera), Bugarama (mu Rusizi) na Ruhwa.Mu burengerazuba, rugabana imbibi na RDC hifashishijwe imipaka ya Petite Barrière na Grande Barrière (i Rubavu), ndetse na Rusizi I & II.Iyi mipaka ni ingenzi mu buhahirane, ubucuruzi, n’ubukerarugendo hagati y’u Rwanda n’isi. Ni amarembo afungurira igihugu amahirwe n’iterambere.
Kumenya imipaka y’igihugu cyawe ni intambwe ya mbere mu gusobanukirwa uko igihugu gihahirana n’isi. Ni ingenzi ku rubyiruko, abacuruzi, abategura ingendo n’abashaka amahirwe mu karere.Niba uri umucuruzi, jya utekereza uko wakoresha iyi mipaka mu kugeza ibicuruzwa byawe hanze. Niba uri umunyeshuri cyangwa ukunda kumenya, shaka uko wasura iyo mipaka ukarushaho gusobanukirwa imiterere y’igihugu cyawe.
Buri mupaka ni irembo ry’amahirwe. Fata iya mbere, ujye mbere.