Umunyezamu wa Bugesera FC, Habineza Fils François agiye kwerekeza muri Midtjylland FC yo mu Cyiciro cya Mbere mu Buholandi izakina amarushanwa yo ku mugabane w’iburayi.

Nk’uko tubikesha umunyakuru akaba n’umusesenguzi w’umupira ku mugabane w’afurika yatangaje ko uyu munyezamu w’ikipe y’igihugu y’ u Rwanda, Amavubi azatangwaho amafaranga ibihumbi murongo itanu by’amadorali, 50,000$ ku girango yerekeze muri Midtjylland FC.

Iyi kipe ya Midtjylland FC ikaba ikina muri champiyona y’igihugu cy’ubuholandi mu cyiciro cya mbere Eridivisie, aho mu mwaka ushize w’imikino 202-2025 ariyo yatwaye igikombe cya shampiyona.
Iyi kipe kandi ikaya ifite itike iyemerera gukina amarushanwa ahuza amakipe yatwaye ibikombe mu bihugu byabo ku mugabane w’iburayi azwi nka UEFA Champions league, ubwo u Rwanda rukazaba ruhagarariwe muri ayo marushanwa aho byaherukaga Capitain w’ikipe y’igihugu Amavubi Djihad Bizimana yakinnye mu mikino ya majonjora ya UEFA Europa League muri 2024/25, akinira ikipe ya Kryvbas Kryvyi Rih mu yo muri Ukraine.

Uyu munyezamu yafashije Ikipe ya Bugesera FC kuguma mu cyiro cya mbere by’umwihariko ku mikino itatu yanyuma aho banatsinzemo Rayon Sports ikanayibuza gutwara igikombe cya shampiyona.
Biteganyijwe ko Habineza Fils Francois azajyenda kuri uyu wa gatatu dore ko yanamaze kubona Visa.