Mu gihugu cy’u Budage, ahitwa Mellrichstadt mu Ntara ya Bavaria, hagabwe igitero kuri uyu wa Kabiri tariki ya 1 Nyakanga 2025, ubwo umugabo w’imyaka 21 y’amavuko yateye abantu akoresheje icyuma, yica umuntu umwe ako kanya, abandi batatu barakomereka bikomeye.
Nk’uko byatangajwe n’ibiro ntaramakuru by’Abanyamerika (AP News), uwo mugabo yinjiye mu kigo cy’akazi ahagana saa yine z’amanywa, atangira gutera abantu icyuma. Polisi yahise itabara vuba imufatira aho yari ari, imushyira mu maboko y’ubutabera. Abashinzwe umutekano batangaje ko kugeza ubu nta bimenyetso bigaragaza ko hari indi mpamvu yaba yaratumye akora ibyo bikorwa, nk’iyobokamana cyangwa iterabwoba, ahubwo ngo bigaragara ko byari ibikorwa bye bwite by’ubugizi bwa nabi.
Abantu bakomeretse bahise bajyanwa kwa muganga, harimo abari mu buryo bukomeye, ariko bahise bitabwaho n’abaganga. Ubuyobozi bwatangaje ko abaturage badafite impungenge z’umutekano muri rusange, kuko byari ibyabaye bitunguranye kandi byahise bigarukira aho.
Iyi nkuru ikomeje gutera impungenge mu baturage, cyane cyane mu gihe u Budage bwari busanzwe butuje, ariko bikaba bigaragaza uburyo ibikorwa nk’ibi bishobora kubera aho ari ho hose.