Gutanga akazi muri Amerika byakomeje gushikama mu kwezi gushize, nubwo hari imvururu zatewe no guhindagurika muri politiki y’ubucuruzi.
Ishami ry’umurimo rivuga ko abakoresha bongeyeho imirimo 177.000 muri Mata, mu gihe igipimo cy’ubushomeri kidahindutse ku 4.2%.Ubushakashatsi bwakozwe ku bucuruzi bugaragaza ko inyungu ziyongereye kuruta uko byari byitezwe mu kwezi kwarazwemo imvururu mu isoko ry’imari.
Imibare iheruka yatanze icyizere ko igihugu gishobora guhangana n’ikibazo k’imvururu muri politiki y’ubucuruzi bidahungabanyije ubukungu bw’igihugu. Ariko inzobere zavuze ko kongera imisoro ku bicuruzwa byinjira mu gihugu bizafata igihe kugira ngo bigire ingaruka.
Ishami ry’umurimo ryakoze ubushakashatsi nyuma y’uko Trump atangaje imisoro mishya bisanga, yazamuye imisoro ku bicuruzwa byinjira muri Amerika ku kigero kiri hejuru cyane kurusha uko byari bimeze imyaka irenga 100.Ibigo byinshi byavuze ko bigomba gukorana ubwitonzi muri iki gihe kubera impinduka zihuse mu mategeko, kandi bategereje kureba niba ibyo Trump yabasezeranyije mu bucuruzi bizagerwaho.