Ikipe y’igihugu Amavubi yagiye itozwa n’abantu batandukanye kuva kera, buri wese agerageza kuyigeza ku ntsinzi. Muri abo, hari abatoza bazwi cyane kubera uruhare bagize mu mateka y’iyi kipe.Ratomir Dujković, Umunyaseribiya, yatoje Amavubi kuva 2001 kugeza 2004, atuma igera mu gikombe cya Afurika bwa mbere mu 2004.
Stephen Constantine (2014–2015) na Johnny McKinstry (2015–2016) bakomereje aho, bayigeza kuri CHAN 2016, aho u Rwanda rwageze muri ¼ cy’irangiza.Vincent Mashami, umunyarwanda, yatoje kuva 2018 kugeza 2022, asimbura abandi banyamahanga yerekana ko n’Abanyarwanda bashoboye.
Hari n’abandi nka Eric Nshimiyimana (2009 – 2013), Carlos Alós Ferrer (2022–2023), na
Torsten Spittler (2023), bose bayoboye ikipe mu bihe bitandukanye.Ubu Amavubi ari mu maboko ya Adel Amrouche, umunya-Algeria watangiye gutoza mu 2025, afite inshingano yo kugarura icyizere cy’Abanyarwanda.
Buri mutoza yagiye azana uburyo bwe bwo gukina, ariko intego ni imwe: gutsinda no gushimisha Abanyarwanda.