Nyuma yo guhagama Real Madrid mu matsinda, Al Hilal itanze ubutumwa bukomeye isezerera Man City, ikomeza gushimangira ko uyu mwaka ari mubi kuri Pep Guardiola.
Ni mu mukino waraye uhuje Ikipe zombi ukarangira Al hilal itsinze ibitego 4-3 Man City mu minota yinyongera 30 nyuma y’uko iminota 90 y’umukino irangiye zinganya.
Iyi kipe yabifashijwemo n’umunyezamu w’umunyemaroke (Morocco) Yassin Bonou yakuyemo imipira igera ku icumi asigaranye na barutahizamu ba Man City , kugeza ubu uyu munyezamu amaze kwinjizwa ibitego bitatu gusa ari nabyo yatsinzwe kuri uyu mukino dore ko mu matsinda nta gitego na kimwe yinjijwe.
Al Hilal iri kwerekana ko shampiyona ya Saudi Arabia atari agafu kimvugwa rime, ko umupira waho ugenda kandi cyane.
Muri 1/4, Al Hilal izakina na Fluminese yasezereye Inter Milan iyitsinze 2-0.