Nyuma y’umwaka wose Jude Bellingham ari mu buribwe bukomeye kubera imvune y’urutugu yagize muri 2023 bakina na Rayo Vallecano, uyu musore yabazwe kandi bigenda neza .
Uyu munsi nibwo Jude Bellingham yivurizaga muri London mu Bwongereza aho yabazwe n’abaganga barimo Manuel Leyes na Andrew Wallace bahagarikiwe n’abaganga ba Real Madrid.
Jude Bellingham amaze gukinira imikino ijana ikipe ya Real Madrid aho amaze kuyitsindira ibitego 38 agatanga imipira yavuyemo ibitego 28.
Kuva yagera muri iyi kipe mu 2023 amaze gutwara ibikombe birimo: UEFA champions league, La liga, UEFA Super Cup, FIFA Intercontinental Cup na Spanish Super Cup, byose ikaba yarabitwaye inshuro imwe.
Biteganyijwe ko Jude Bellingham azagaruka mu kwezi kwa Ukwakira, 2025 nyuma yo gukurikiranwa n’abaganga bamufasha kugaruka ameze neza.