Uyu musore w’imyaka 26 yongereye amasezerano y’imyaka ibiri muri iyi kipe nyuma y’uko amasezerano y’amezi atandatu yarafitanye na Rayon Sports yarageze ku musozo.
Biramahire yageze muri Rayon Sports mu ntangiriro z’uyu mwaka wa 2025 aje gusimbura rutahizamu Fall Ngagne nyuma yo Kugira imvune y’igihe kirekire.
Uyu musore yakiniye amakipe arimo UD Songo yo muri Mozambique akaba ari nayo yaje avuyemo, akaba kandi yarakiniye Club Sportif Sfaxien , Ikipe ikomeye cyane yo muri Tunisia mu mwaka w’imikino wa 2018-2019, mbere yo kugaruka mu Rwanda mu Ikipe ya Mukuru VS.
Mu Rwanda yakiniye amakipe atandukanye dore ko yazamukiye mu irerero ry’umupira w’amaguru mu Rwanda rya Heroes aho yaje kuhava akajya muri Bugesera FC mu mwaka wa 2015, ayivamo ajya muri Police FC mu mwaka wa 2017 ari nayo yavuyemo yerekeza hanze.
Kuva Biramahire Abeddy yaza muri Rayon Sports amaze kuyitsindira ibitego umunani mu mikino yo kwishyura ya shampiyona ya Rwanda Premier league 2024-2025.
Rayon Sports yatangiye imyitozo tariki 1 Nyakanga 2025 yitegura umwaka w’imikino 2025-2026, yanasinyishije Abarundi barimo : Tambwe Gloire na Prince Musore Michel, Umunya-Tunisia Mohamed Chelly, myugariro Rushema Chris, Umunya-DRC Tony Kitoga , Umunya-Mali Drissa Kouyae w’imyaka 26 y’amavuko, yasinye amasezerano y’imyaka ibiri izageza mu mpeshyi ya 2027 ari umukinnyi wayo, inongerera amasezerano Serumogo Ally.
