Minisiteri y’Ubuzima mu Buhinde yatangaje ko icyorezo cya COVID-19 gikomeje kwiyongera mu gihugu, aho abanduye bageze kuri 5,755 nyuma y’amasaha 24 ashize. Muri ayo masaha, habonetse abanduye bashya 391, nubwo batangana nabanduye kuri uyu wagatanu ushize kuko bari 498.
Imibare yerekana kandi ko 760 bamaze gukira virus mu masaha 24 ashize, ariko hakaba harimo abantu bane bapfuye bazize ibibazo bifitanye isano na COVID-19, barimo:
- Umugore w’imyaka 45 utwite wo muri Maharashtra wapfiriye kwa muganga nyuma yo kugira ibibazo bikomeye mu gihe cyo kubyara, nyuma akaza gusanga yanduye COVID-19.
- Umugabo w’imyaka 59 wo muri Kerala wari ufite kanseri y’ibihaha.
- Abandi bantu babiri bari hejuru y’imyaka 60 bari bafite izindi ndwara zandurira imbere mu mubiri (comorbidities).
Abanduye benshi bari kugaragara muri Kerala na Delhi, aho inzego z’ubuzima zisaba kongera ingamba zo gukurikirana no gupima abantu benshi bishoboka. Nubwo ubwandu bwa COVID-19, butaragera hejuru cyane nk’uko byahoze, ibi byerekana kandi bikaburira abaturage n’inzego z’ubuzima gukomeza kwitwararika no kubahiriza ingamba.