Kuwa 23 Nyakanga 2025, Perezida wa Repubulika y’u Rwanda, Nyakubahwa Paul Kagame, yashyizeho Dr. Justin Nsengiyumva nka Minisitiri w’Intebe mushya, asimbuye Dr. Édouard Ngirente wari umaze imyaka irindwi kuri uwo mwanya.Iri tangazo ryasohowe ku mugaragaro binyuze mu itangazamakuru rya Leta ndetse no ku mbuga nkoranyambaga zemewe, rishyira Dr. Nsengiyumva ku isonga rya Guverinoma nshya, mu gihe igihugu gikomeje gahunda yo kwimakaza iterambere rirambye n’ihangwa ry’imirimo.Dr. Justin Nsengiyumva ni muntu ki?
Dr. Justin Nsengiyumva ni impuguke mu bukungu n’imicungire y’imari ya leta. azwiho ubunyangamugayo, ubuhanga mu isesengura ry’imibare y’ubukungu ndetse no kuba umuhanga mu igenamigambi rishingiye ku ntego.mbere yo kugirwa minisitiri w’intebe yari umuyobozi wungirije wa banki nkuru y’u Rwanda (BNR) guhera muri Gashyantare 2025. yabaye kandi umujyanama w’imari muri minisiteri y’imari n’igenamigambi (MINECOFIN) aho yagize uruhare mu igenamigambi ry’igihe kirekire ry’iterambere ry’igihugu ndetse no mu gukurikirana politiki z’imari na banki.yize amashuri yisumbuye n’ay’ikirenga mu by’ubukungu n’icungamutungo (Finance and Economics) mu mahanga. azwiho kugira icyerekezo gihamye cyo guharanira iterambere ry’umuturage, kuzamura ubukungu bw’igihugu, no guteza imbere imiyoborere ishingiye ku kugaragariza abaturage ibyo ubuyobozi bubakorera.