FC Barcelona yatangaje ko yasinyishije Rooney Bardghji imukuye muri FC Copenhagen kuri miliyoni ebyiri z’amayero.
Uyu musore w’imyaka 19 ukina imbere ku ruhande rw’ibumoso yasinye amasezerano y’imyaka 4 bisobanuye ko azageza 2029 ari umukinnyi wa FC Barcelona.
Ni mu gihe uyu munsi Lamine Yamal azakwerekanwa imbere ya bafana ba FC Barcelona nyuma yo kongera amasezerano aho azajya yambara Numero 10 mu mugongo guher’ubu.
Ni mu gihe mucyeba wayo Real Madrid yemeje ko yasinyishije Alvaro Correras imukuye muri Benfica akaba yasinye amasezerano azamugeza 2031.
Biteganyijwe ko uyu munsi aribwo aza kwerekanwa. Uyu abaye umukinnyi wa gatanu winjiye muri Real Madrid ni nyuma ya Dean Huijsen – Myugariro wo hagati w’umunya-Esipanye w’imyaka 20, yavuye muri Bournemouth ku mafaranga agera kuri miliyoni 50 z’amayero, agasinye amasezerano y’imyaka 5, akazaba ari kumwe n’ikipe kugeza 2030, Trent Alexander‑Arnold myugariro uca iburyo w’umwongereza avuye muri Liverpool, yinjiye muri Real Madrid ku masezerano y’imyaka 6 nyuma yo kurangiza amasezerano muri Liverpool ku itariki ya 1 Kamena 2025, maze agahabwa hagati ya €6.2–10 z’amayero. Franco Mastantuono – Umukinnyi ukina mu kibuga hagati ukomoka muri Argentina, wavuye muri River Plate. Yasinye amasezerano y’imyaka 6 ariko akazagira Agaciro igihe azaba yujuje imyaka 18 tariki ya 14 Kanama 2025. Uyu akaba yararanzweho agera kuri Miliyoni 63 z’amayero , naho Rachad Fettal w’imyaka 20 ukomoka muri Almeria akaba yarazamuwe mu ikipe nkuru avuye muri Castilla (ikipe ya kabiri).
Ku ruhande rw’ikipe ya FC Barcelona si Rooney yinjijemo gusa ahubwo yaguze abakinnyi barimo: Joan García Umunyezamu wavuye muri Espanyol aho yishyuye release clause ye ya miliyoni 25 z’amayero muri iyi mpeshyi 2025, asinya amasezerano y’imyaka 6.
FC Barcelona ikaba iri gushaka uburyo yasinyisha hagati y’abakinnyi: Louis Diaz, umukinnyi wa Liverpool na Marcus Rashford wa Manchester United.
Umwaka w’imikino 2025/26 muri Espagne uzatangira taliki 15 Kanama 2025 urangire 24 Gicurasi 2026.
