Ikipe ya Rayon sports yamaze gusinyisha abakinnyi babiri mu rwego rwo kwitegura neza umwaka w’imikino wa 2025-2026.
Muri abo bakinnyi harimo Umukinnyi wo hagati unakina aca ku ruhande, Mohamed Chelly ukomoka muri Tunisia. Uyu mukinnyi akaba yakinaga mu ikipe yitwa Oceano Club de Kerkennah yo mu cyiciro cya 2 muri Tunisia. Uyu mugabo w’imyaka 41 akina aca ku ruhande imbere haba ibumoso n’uburyo, akaba yazanywe n’umutoza wa Rayon sports Afhamia Lotfi, kubera ko azajya anamufasha nk’umutoza wungirije ushinzwe kongera imbaraga abakinnyi. Uyu ni umwe mu bakinnyi binjiye muri Rayon sports akaba yasinye amasezerano y’umwaka umwe aho azajya ahembwa miliyoni imwe Rwfr.
Undi mukinnyi winjiye mu Rayon ni n’umunyezamu ukomoka muri Mali. Drissa Kouyaté ufite imyaka 27 niwe uzajya ufatira Rayon sports dore ko abandi banyezamu bayo barimo kwitwara nabi muri iyi minsi. Uyu munyezamu yakiniye amakipe arimo Stade Malien nk’umuzamu mukuru muri sezo ya 2021-2022, ayivamo ajya muri FC Nouadhibou yo muri Mauritania aho yayikiniye hagati y’imyaka ya 2019-2020 ndetse na 2022-2023 . Yaje kuyivamo ajya muri ASKO Kara yo muri Togo muri sezo ya 2023-2024 aho yayikiniye amezi 6 gusa, Mu 2024, yerekeje muri AC Léopards, ikaba ari nayo kipe yakiniraga muri iki gihe mu 2024–2025 .
Muri CAF Champions League 2024, yagaragaye rimwe aho yakinnye iminota 90, ariko agatsindwa ibitego bibiri muri uwo mukino , iyo akaba ari nayo mpamvu Rayon sports imuguze kugira ngo abafashe kwitwara neza mu marushanwa Nyafurika bazitabira.
Abo bakinnyi baje biyongera ku bakinnyi 3 baguze kandi baje basimbura abandi bayivuyemo bakerekeza mu yandi makipe.
